Құрметті әріптестер!
2 қазан – Қазақстан Республикасының техникалық және кәсіптік, орта білімнен кейінгі білім беру қызметкерлерінің кәсіби мерекесі барша ұстаздар қауымына, білім саласының майталмандарына арналған ерекше күн.
Сіздер – еліміздің индустриялық-инновациялық дамуына қажетті білікті мамандарды даярлап, жастарға тек кәсіби білім ғана емес, өмірлік ұстаным, адами құндылық дарытып келе жатқан ардақты жандарсыздар.
Еңбектеріңіз – ел болашағына қосылған өлшеусіз үлес, жарқын болашақтың берік іргетасы.
Осы мерейлі күні баршаңызға мықты денсаулық, отбасыларыңызға амандық пен береке, шәкірттеріңізге шалқар шабыт тілейміз. Ізденістен жаңылмай, жаңа технологияларды меңгеріп, әрбір жетістіктеріңіз тек қуанышқа бөлей берсін!
Еңбектеріңіз жана берсін, абыройларыңыз арта берсін!
